Bya Ssemakula John
Bulange – Mmengo
Minisita wa Gavumenti ez’ebitundu , okulambula kwa Kabaka n’ensonga z’Ebweru, Owek Joseph Kawuki akwasizza abantu ba Ssaabasajja abawangaalira e South Africa mu ssaza lya Western Cape western ne Eastern cape ne Limpompo emijoozi okwetaba mu nteekateeka y’Emisinde gya Kabaka ey’omwaka 2024.
Bw’abadde abakwasa emijoozi gino, Owek. Kawuki abasibiridde entanda okwongera okwenyigira mu mirimu gy’Obwakabaka.
Owek. Kawuki era abasabye okutwalira bannaabwe obubaka bw’okwongera okwekuuma akawuka ka Mukenenya.
Owek Joseph Kawuki emijoozi agikwasizza Abdul Mayanja omuwabuzi Omukulu ku lukiiko ku ssaza ly’e western ne Eastern cape akiikiridde Owek Denis Lugoloobi atwala essaza lya Ssaabasajja mukitundu kino.
Omuwabuzi Omukulu ku lukiiko mu ssaza lya Western Cape akiikiridde Owek Denis Lugoloobi, Abdul Mayanja agamba kyankizo okuwagira Obwakabaka mu nsonga z’okulwanyisa mukenenya era bajjakwongera okuwagira enteekateeka z’omutanda.
Kinajjukirwa nti emisinde gino gigenda kuddukibwa nga 07/04 mu Lubiri e Mmengo.