Musasi waffe
![](https://gambuuze.ug/wp-content/uploads/2020/04/Kidimbo-1-768x1024.jpeg)
Grace Kizito Bakyayita ye Mutaka yawangula ddigguli ensajja mu Butondebwensi (Environmental Engineering) mu Gatonnya 2020 okuva mu Ssettendekero wa Makerere.
Okunoonyereza yakukola ku mutwe ogugamba nti “Oby’obugagga Eby’ensibo ebiri mu Ttaka n’Amazzi “ (Land and Water Resources Engineering).
![](https://gambuuze.ug/wp-content/uploads/2020/04/Kidimbo-2-1024x768.jpeg)
Kumpi mu kiseera kyekimu, mu Mukutulansanja 2019, Omutaka yafuna ebbaluwa ey’ekikugu mu by’Obugagga obwensibo okuva mu KTH Royal Institute of Technology e Stockholm mu Sweden gy’abadde agendanga okwongera okubangulwa mu ssomo lyerimu.
![](https://gambuuze.ug/wp-content/uploads/2020/04/Kidimbo-3-1024x768.jpeg)
Bw’abadde awayaamu ne Minisita w’Enkulaakulana y’Abantu mu Bwakabaka Dr. Prosperous Nankindu Kavuma, ng’amuyitiramu mu kusomooza kweyasanze okumaliriza ekitabo kino, bakkirizigannyizza nti omulembe guno omuggya gw’agala bayivu.
![](https://gambuuze.ug/wp-content/uploads/2020/04/Kidimbo-4.jpeg)
Nankindu nga naye alina ddiguli ssatu, akubirizza abazadde okusibirira abaana babwe ebintu babiri; okubasomesa n’okubayigiriza okukola.
Ebirala bijja kwekola byokka. Asabye Abataka n’abazzukulu okutwala Dr. Bakyayita ng’eky’okulabirako.