![](https://gambuuze.ug/wp-content/uploads/2020/01/Janet.jpg)
Musasi waffe
Abayizi ba siniya ey’okuna abaakola ebigezo byabwe omwaka oguwedde bakoze okusinga bannabwe abaatuula mu 2018.
Okusinziira ku byava mu bigezo ebyafulumiziddwa olwaleero, abayizi 306,924 ku bayizi 330,060 bebaayita ebigezo byabwe era bajja kusobola okweyongerayo n’emisomo gyabwe. Abayizi 26,136 bbo tebaasobodde kuyita.
Kyokka omwaka oguwedde abayizi 288,387 ku bayizi 330,721 abaatuula bebaasobola okuyita ngate’ abayizi 42,334 bbo baagwa.
Abayizi b’omwaka oguwedde baasinga kukola masomo gaddiini erya Islamic Religious Education ne Christian Religious Education, ng’ate essomo lya Biology, Chemistry n’olungereza byebyasinze okukolebwa obubi.
Abayizi 27,842 baayitidde muddaala erisooka, 58,575 mu ddaala ery’okubiri, 77,289 muddaala ery’okusatu ate 143,236 muddaala ery’okuna.
Mu disitulikiti, Wakiso yeyasinze okuyisiza abaana mu ddala erisooka, n’eddirirwa Kampala Mukono n’egoberera ate Amudat n’esemba nga eno yeyayisizza omwana omu yekka mu ddaala erisooka.