Bya Musasi Waffe
Kampala
Ttiimu y’essaza lya Ssingo erangiridde Simon Ddungu ng’omutendesi omuggya owa ttiimu eno, ng’ono emuggye mu Busiro gyebadde atendeka mu mpaka eziwedde.
Okusinziira ku bakungu ba ttiimu eno, kino kikoleddwa okwetegekera sizoni empya etandika omwezi ogujja ogwa June 2022.
Omutendesi ono amanyiddwa nga Ddunga, yatendekako ku ttiimu ya Mbale Heroes awamu ne ttiimu endala ezamanyi mu ggwanga.
Ddungu asikidde Emmy Kisakye eyatendeka Ssingo omwaka oguwedde, nga kati azze ku kya bumyuka, ne Regan Lule ye mutendesi wa bakwasi ba ggoolo.
Ono alina obumanyirivu mu mupiira gw’Amasaza nga yawangulira ttiimu ya Gomba ekikopo mu 2017, Mawokota mu 2013 gyeyali omumyuka w’omutendesi.
Ddunga weyeegatidde ku Ssingo nga yakawangula ebikopo by’ Amasaza bibiri okuli ekya 2015 ne 2018 kyokka ezze esereba mu mutindo nga omwaka oguwedde yalemererwa okuva mu kibinja.