Musasi waffe
![](https://gambuuze.ug/wp-content/uploads/2020/05/Rugunda.jpg)
Ssaabaminisita wa Uganda Dr Livingstone Ruhakana Rugunda yeekokkodde enguzi mu gavumentiye gyaweerezam nagamba nti yeevuddeko NRM okulemererwa okutuukiriza ebisuubizo byayo.
Bwabadde atongoza Ssabbiiti minisitule mwezigenda okulagira byezikoze mukussa mu nkola enteekateeka y’ekibiina kya NRM gyekyasuubiza abantu mu 2016, [NRM Manifesto Week], Rugunda agambye babakuba nga tebalina babbi mu bitongole bya gavumenti ob’olyawo bandibadde baweerezza Bannayuganda bulungi okusingawo.
“Enguzi kusoomooza kwa’amaanyi eri gavumenti kubanga ezingamya emirimu naye tugezezzaako okugisalira amagezi naddala oluvanyuma lw’okulonda akakiiko ka Lt Col. Edith Nakalema akakola ku kulwanyisa enguzi mu maka gw’obwapulezidenti,” Rugunda bweyagambye.
Yagasseeko nti n’okukaluubirirwa okufuna ettaka wamu n’abantu okuseera ettaka lyabwe nakyo kikaluubirizza ennyo emirimu gya gavumenti.
Ono era yalaze nti newankubadde bafunye okusoomoozebwa okwenjawulo, basobodde okutuukiriza ebyo byebeeyama okutuuka ku bitundu 80 ku buli kikumi.
Ssaabbiiti eno nga May 12, lwegyaweze emyaka ena nga pulezidenti Museveni akutte enkasi y’okugolomola eggwnaga lino mu kisanjakye eky’omusanvu ng’afuga Uganda.
Rugunda yayiseeyise mubituukiddwako okuli okusobola okuzimba ebbibiro ly’amasanayalaze erya Isimba, okumala eddwaliro ly’abakyala e Mulago, okumala oluguudo lwa Entebbe Express Highway n’ebirala.