Bya Ssemakula John
Kampala
Eyali omumyuka wa Pulezidenti, Prof. Gilbert Bukenya awadde Ssaabaminisita Robinah Nabbanja amagezi okwewala okuyingirira bamafiya abali mu gavumenti ng’akola emirimu gye kuba singa anaabatambaala emirimu gigenda kumulema.
Okusinziira ku Bukenya, bamafiya mu gavumenti bangi nnyo era oluusi osobola n’okubayingirira ng’osazeewo okole ekintu ekituufu.
Okulabula kuno Bukenya akukoledde ku gimu ku mikutu gya Ttiivi mu Kampala leero ku Lwokuna.
“Nsabira Nabbanja. Era muwa amagezi agende mpola kuba abantu bano (bamafiya) tebaagala muntu yenna abayingirira.” Bukenya bw’annyonnyodde.
Bukenya ategeezezza nti bamafiya beenyigira mu buli wali obulyi bw’enguzi obwa ssente ennyingi era singa oli avaayo okubalemesa basobola okumukolako ne bw’aba yeeyita munene era tebaagalira ddala muntu ayagala kutereeza buweereza mu ggwanga lino.
Ono ajjukiza ensi nga bwe yagezaako okwasanguza bamafiya ng’akyali mu gavumenti wabula tewali yamuwuliriza.
“Bwe naboogerako tewali yafaako naye temuwulira n’abantu abalala nga boogera ku kizibu kino kye kimu kati?” Bukenya bw’abuuzizza.
Mu mwezi gwa July, 2021 Ssaabaminisita Nabbanja yategeeza bannamawulire nga bwe waliwo abantu abatannategeerekeka