Poliisi mu kibuga ky’e Nansana mu disitulikiti y’e Wakiso eri mu kunoonyereza ekyavuddeko omwana emyaka 12 okwetuga.
Omwogezi wa Poliisi mu Kampala n’emirirwano Luke Oweyesigyire agambye nti omugenzi ye Alisat Nantume, abadde abeera e Nansana Gganda
Omulambo gw’omwana abadde abeera ne ssengaawe gwasangiddwa nga guleebeetera ku mugwa mu nnyumba.
“Poliisi omulambo yagujjeeyo negutwalibwa mu ggwanika e Mulago ng’okunoonyereza bwekugenda mu maaso okuzuulira ddala ekyamusse,” Owoyesigyire bweyagambye.
Omwezi guno gwokka, ono ye mwana owokubiri okwetuga.
Nga June 12, Derrick Wadero omwana w’emyaka omwenda gyokka yeetuga e Nantabulirirwa mu division y’e Ggoma mu disitulikiti y’e Mukono.
URN