Bya Ssemakula John
Bulange – Mmengo
Minisita avunaanyizibwa ku nsonga z’ Amawulire ne Kkabineeti era omwogezi w’Obwakabaka, Owek. Noah Kiyimba asabye abantu okunyweza obumu era bettanira obweggasi basobole okulaakulana.
Owek.Noah Kiyimba obubaka buno abuwadde atikkula Oluwalo lwa bamemba ba CBS-PEWOSA ab’ettabi lye Busiro ne Kyadondo lwa bukadde 18 n’emitwalo 50 mu bimuli bya Bulange.
Minisita Kiyimba bano abafalaasidde okwongera okunnyikiza mu balala enkola eyokutereka nokwewola basobole okwekulaakulanya.
Ye minisita wa gavumenti ez’ebitundu mu Buganda, Owek. Christopher Bwanika akubiriza abantu okwongera okwettanira nokwennyigira mu nteekateeka z’Obwakabaka okugumizza Nnamulondo.
Bba ssentebe b’ebitavvu bino abakulembeddemu enteekateeka eno beebaziza Ssaabasajja olwebibiina byobwegassi bino byebgamba nti bikoze kinene okutumbula embeera zabantu .
Akulira CBS- PEWOSA mu Busiro, Joseph Magala Nyago Ssentebe Busiro ne James Kayondo Busuulwa amyuka Ssentebe wa Kyadondo bategeezeza nti buli lukya abantu bongera okuteegera obukulu bwokufisa nokutereka ensimbi.
Enteekateeka ya Luwalo lwaffe ebaawo buli lwakubiri era muno abantu ba ssabasajja mwebayita okubako ettofaaali lyebagatta mu nsawo y’Obwakabaka okutambuza emirimu obulungi.