Bya Ssemakula John
Bulange – Mmengo
Ssaabawolereza wa Buganda, Owek. Christopher Bwanika asabye abazadde okukozesa oluwummula luno okwongera okusiga empisa mu baana basobole okusigala ku mulamwa babeere abantu abalimu ensa.
Okusaba kuno Owek. Bwanika akukoledde mu Bulange e Mmengo bwabadde atikkula Bannabuweekula Oluwalo olusobye mu bukadde 20.
Oluwalo luno luvudde mu ggombolola 6 ezikola Buweekula nga luleeteddwa okwongera okutambuza emirimu gya Ssaabasajja Kabaka.
Owek. Christopher Bwanika afalaasidde abazadde abaana nga bali mu luwumula okubakuumirako amaaso baleme kuva ku mulamwa ate nokubasigamu empisa kuba bingi ebibasomooza.
Bano abeebazizza okumanya ennono yabwe nokusalawo okugituukiriza kyokka nabasaba okufaayo okwetangira endwadde basobole okubeera abalamu olwo bakulaakulane.
Omwami wa Kabaka amukulembererako essaza lino Luweekula Nantaayi Immaculate Kafeero ategeezeza nti obumu y’empagi kwebesigamye okutwala essaza lyabwe mu maaso era aweze nti baakwongera okuweeereza Beene awatali kumutiirira.
Abaami be Gombolola zino baloopye embuga ebisoomoza ebitundu byabwe okuli ekibba ttaka ekisuse nebasaba Obwakabaka okubayambako.
Eggombolola ezikiise embuga kubaddeko Mutuba 1 Kitenga , Musaale Kiyuuni , Ssaabaddu Madudu, Ssaabaddu Butoloogo , Ssaabaddu Kasambya ne Mumyuka Bageza.