Musasi waffe
Minisita avunanyizibwa ku bavubuka, eby’emizannyo wamu n’okwewumuza Oweek. Henry Ssekabembe Kiberu agambye nti eggwanga Uganda liri mu kaseera kazibu olw’engeri abantu gyebalondamu abakulembeze.
Ssekabembe abadde ku ssomero lya Bridges College Zzana gye yasisinkanidde Banna Nkobazambogo abali ku luguudo lw’e Ntebe mukukyuusa obukulembeze wamu n’empaka z’ebyobuwangwa ez’etabiddwamu agamu Ku masomero agali Ku luguudo luno.
“Obukulembeze mu bukkakanyiza ne mubuwa buli gwemusanze. Tulina okuba ab’obuvunanyizibwa. Twagala abavubuka balumirirwe abantu, obutonde bw’ensi, amasomero, amalwaliro ate nga balina n’obuntu bulamu,” Ssekabembe bwagambye.
Agasseko nti ensi zonna zisobola okukyuka singa zitegeera obukulu n’obuvunanyibwa bw’omukulembeze.
“Tulowooza nti ebintu bino bwebabitegeera okuva ku mitendera gino egyawansi nabajja nga babikuliramu, omwana oyo aba asobola okwesigika n’aweebwa obuvunanyizibwa,” Ssekabembe bwagambye.
Ate ye Specioza Kiberu omu ku batandisi ba Bridges College Schools asabye abavubuka okukola ennyo okusobola okutwala mu maaso eggwanga lyabwe.
“Ekigambo ekinene nnyo era ekizibu kigambo kulya. Abavubuka, ataakole n’okulya talyenga. Tulina okukola ennyo okusobola okulya mu ntuuyo zaffe. Bwemutaakole, Kabaka taliiwo, bwemutaakole Buganda teriiwo,” Kiberu bwagamabye.
Kyokka ayongeddeko nti newankubadde okulya kirungi, abavubuka balina okuba abaamazima n’obw’enkanya eri abo bonna bebakolagana nabo.
Omukolo gwetabiddwako abazadde, abasomesa, olukiiko olukulembera abazadde wamu ne Ssentebe w’Akaliba Akendo mu ggwanga, Lubyayi Abraham Adrian omuyizi ku Lubiri secondary school.