Omusirikale w’eggye ly’eggwanga erya Uganda Peoples Defence Forces-UPDF abadde akolera ku nkambi y’e Magamaga evunaanyizibwa ku kukuzimba amanyiidwa nga Samson Emodong attiddwa.
Ono, omulambo gwe gusaangiddwa nga gusuuliddwa ku luguudo lw’eggali y’omukka e Magamaga mu Kabuga ke Mayuge.
Omulambo gusaangiddwako ebinuubule ku kibegabega, amaviivi, ku mikono n’ensingo.
Omusaayi era gusaangiddwa okuliraana ekifo omulambo wegwasangiddwa nga kirowoozebwa weyatiddwa.
Solomon Ndimulodi, omutuze wa Bridge zooni mu Mayuge yagambye yasembyeyo okulaba omugenzi eggulo ku Sunday akawungeezi.
At ye Ramadhan Namundi, nga naye mutuuze mu zooni yeemu, yategeezezza nti baalabye emipiira gy’emmotoka okuliraana omugenzi weyaitiddwa.
“Amaka gange tegali wala n’okuva omugenzi weyatiddwa, tekyannewunyisizza nti twasanze emipiira gy’emmotoka okuliraana omulambo,” Namundi bweyagambye.
George Musinguzi, ayogerera eggye lya UPDF mu Busoga yagambye, okunonyerezaakwabwe kutandise okuzuula kik ekyaviiriddeko okufa kwa Emoding.
Poliisi e Mayuge omulambo yagututte mu ggwanika okusobola okwongera okunoonyereza ku kiki ekyavuddeko okufa kw’omugenzi.
Ono ye musirikale owookubiri okuttibwa n’asuulibwa mu kifo kino.
Omulala eyategeerekekako nga Joel Cherukut naye yattibwa n’asuulibwa wano.
URN