Musasi waffe
Omusirikale w’eggye ekkuuma byalo liyite Local Defense Unit eyasse abantu ababiri mu kibuga Masaka naye attiddwa.
Private Robert Muyaga yakubye era n’atta Edward Musasizi, ssentebe w’ekyalo Lutovu ekisangibwa mu ggombolola y’e Malongo mu ddisitulikiti y’e Lwengo wamu ne Jacqueline Asasira.
Akatambi akaakwatiddwa kamera eya CCTV, kalaga omwami ng’alinnya boda boda oluvanyuma n’agobererwa omukyala.
Akatambi akataliiko ddoboozi kalaga nga waliwo engeri y’oluyombo wakati w’omukyala wamu n’owa LDU.
Omukyala aviira owa LDU nagenda naalinnya boda boda wabula n’owa LDU abagoberera era akaseera mpaawo wekaaga, abakuba amasasi ng’asookera ku musajja n’oluvanyuma n’akuba n’omukazi.
Musaasizi ye afiirawo kubanga amasasi gaamukubiddwa mu mutwe ate ye Asasira n’afa ng’atwalibwa mu ddwaliro e Masaka.
Akatambi kalaga owa LDU ng’adduka.
Kyokka abatwala eggye e Masaka bazze kumuyiggogwe era webwazibidde nga neeyiye efumba ewunzikiddwa.
Ono yasangiddwa mu loogi ngayeekukumye kyokka aba UPDF bwebayagadde okumukwata nagezaako okuwalira.
Kigambibwa nti Muyaga ono yasse Musaasizi ggweyabadde ateeberezebwa okumwagalira omukyala.