![](https://gambuuze.ug/wp-content/uploads/2020/02/Odongo.jpg)
Bya URN
Omuwendo
gw’abayizi abakola amasomo ga sayanzi gukyali wansi ddala okusinziira
kukitongole ekikola ku bigezo mu ggwanga ekya Uneb.
Abayizi ebitundu 10 ku buli kikumi bokka bebaakola amasomo ga sayansi.
Kubbo, abayizi ebitundu 30 kubuli kikumi bebaakola okubala, 10.9 ku buli kimui ne bakola Physics ate 16.2 ku buli kikumi nebakola Chemistry.
Omuwendo gw’abayizi abaakola biology gweyongera okuva ku bitundu 13.3 ku buli
kimui mu 2018 okutuuka ku bitundu 14.0 mu2019.
Mu 2018, abayizi 9.8 ku buli kikumi beebokka abakola amasomo ga sayansi.
Dan Odongo, akulira Uneb agamba newankubadde amasomo gano gaabuwaze ku
mutendera gwa S4, kino tekiyambye nnyo kwagazisa bayizi kukola masomo gano ku
mutendera gwa seniya eyawagulu.
Abayizi abaakola Biology omulundi guno baaakoze bulungi okusinga omwaka oguwedde nga abayizi obutundutundu 0.4 ku buli kikumi baafana ‘A’ okwawukana ku mwaka oguwedde awataali yagifuna.
Abayizi omwaka guno bayise bulungi amasomo; ery’ebyafaayo, eddiini, oluzungu eby’obulimi, wamu ne Biology.
Abayizi abawala baakoze bulungi okusinga abalenzi mu masomo nga okubala, physics n’ebyobulimi.
Ate bbo abalenzi nebaleebya abawala mu chemistry, biology, okusiiga ebifananyi, wamu ne General Paper.
Abayizi 38,737 baayise amasomo gonna gebaakola okusinga ku bayizi 36,656 abaayita mu 2018.
Abayizi 103,429 bebaatuula ebigezo byabwe mu 2019 ate bbo 1,047 bewandiisa wabula nga tebaalabikako.