![](https://gambuuze.ug/wp-content/uploads/2020/08/jj.png)
Mukono
Omuliro ogwakutte Dipo y’emifaliso ya Kkampuni ya Crestfoam e Mukono ku luguudo oluva e Kampala okudda e Jinja. Omuliro guno ogwatandise ku ssaawa 1:30 gwayokezza emifaliso egisoba mu 200.
Abadduukirize bayanguye okugezaako okutaasa egimu ku mifaliso wamu n’okuziyiza omuliro okweyongera okusaasaanira amaduuka n’amayumba agali ku myaliro gy’ekizimbe kino.
Bano batabukidde akulira ebikwekweto ku poliisi ye Mukono Fred Wanduru okutuuka ku kizimbe nga bagamba nti bakooye poliisi okujjanga ekikeerezi buli lwe wabaawo obubenje nga buno.
Poliisi yategeezezza nga ensibuko y’omuliro guno bwetanamanyika wabula nga okunoonyereza kugenda mu maaso era mu bwangu bajja kutegeeza kiki ekyavuddeko akabenje kano.
URN