Bya Ssemakula John
Mulago
Omubaka omukyala akkiririra Disitulikiti ye Palisa mu Palamenti afudde.
![](https://gambuuze.ug/wp-content/uploads/2020/09/119613149_3455166011173504_4273104025588651457_n.jpg)
Kitegeerekese nti, Omubaka Faith Alupo afiiridde mu ddwaliro lye Mulago olunaku lwa leero. Wadde wabaddewo ebigambibwa nti Alupo yafudde kirwadde ki COVID-19 naye abakungu mu ddwaliro lya Mulago bategeezezza nti kino tebanakikakasa.
Omukutu gwa Palamenti ogwa Twitter gukakasizza amawulire gano negutegeeza nti, “Palamenti etegedde ku ky’okufa kw’omubaka Faith Alupo, afiiridde mu ddwaliro e Mulago. Omwoyo gwe Omukama agulamuze kisa.”
Omubaka ono wa kibiina ki National Resistance Movement (NRM) era nga mu Palamenti abaddemu emyaka 2 gyokka nga yalangirirwa mu June wa 2018.
Kino kyaddirira okusazibwamu Munna FDC Achola Osupelem ku kifo kino olw’okukozesa ammanya agatali ku mpapula ze ez’obuyigirize.