![](https://gambuuze.ug/wp-content/uploads/2024/06/WhatsApp-Image-2024-06-11-at-4.37.28-PM-1024x683.jpeg)
Bya Ronald Mukasa
Mmengo – Kyaddondo
Minisita w’Ettaka n’ebizimbe mu bwakabaka bwa Buganda Oweek Daudi Fredrick Kisitu Mpaga alabudde abantu obutagezaako kugula ttaka okuli; Embiri, Amasiro n’Ebifo by’Obuwangwa okwewala okufiirizibwa.
Okulabula kuno Owek. Mpanga akukoledde mu Bulange e Mmengo bw’abadde ayogerako ne bannamawulire ku Lwokubiri n’okufulumya ekiwandiiko ekitongole ku nsonga eno.
Owek. Mpanga annyonnyodde nti kikyamu era kimenya mateeka omuntu yenna okugula ettaka ly’ Obwakabaka okuli ebintu ebyenkizo nga Obutaka bw’Ebika, Amasiro, Embiri n’ebirala.
Oweek Mpanga agamba nti ettaka lino liriko abasiige kyokka nga tebakirizibwa kutunda, okusalamu wadde okugaba ku ttaka lino ng’obuvunaanyizibwa ku ttaka lino, Beene yabukwasa kitongole ki Buganda Land Board era balina okubaako kyebamanyi singa wabaawo ayagala okugula.
Okusinziira ku woofiisi ya Ssaabawolereza w’Obwakabaka omuntu yenna agula ettaka lino abeera amenye akawayiiro namba 64(2) mu semateeka w’eggwanga akakugira omuntu yenna okugula oba okufuna ekyapa ku takka okuli eby’ennono n’obuwangwa.
Obwakabaka bulabudde nti omuntu yenna anazimula ekiwandiiko kino eyolekedde okufiirizibwa ensimbi ze ssaako n’okuvunaanibwa mu mbuga z’amateeka.