Bya Gerald Mulindwa
Lubaga
Katikkiro wa Buganda Charles Peter Mayiga, agambye nti obutale bwonna obuli wansi w’ Obwakabaka bwakulaakulanyizibwa.
Bino Kamalabyonna abyogeredde ku Terefayina ya Channel 44 mu pulogulaamu ya ‘Arise and Shine’ ekubirizibwa Paul Kizza leero ku Lwokubiri.
“Twagala okukola akatale k’e Bwaise kabeere ka mutindo, abakolera wo ne bajja nebatubuuza nti mmwe mutugoba? Bajja ne Loodimeeya, Meeya we Kawempe n’omubaka Mubaraka Munyagwa.
Nababuuza nti akatale mwagala tukakulaakulanye nti ye, ne mbagamba kale mumbuulire tunakazimba tutya nga abantu batuddewo wali, nga ate beetunuulira,” Mayiga bwanyonyodde.
Katikkiro agambye nti akatale bwebaba bakaddamu kazimba abakoleramu balina okusooka nebavaamu naye bagenda kudda kubanga bebakakolera.
“Minisita wa Kabaka yagenda okujja atuule ku midaala! Era abakozi ab’omu butale be bajja okukolerawo ebyo bizibu bibeerawo balina okubigumira ne Nnyanja ya Kabaka tugenda kugikulakulanya era abantu nawo balina okusooka okuvaawo,” Oweek. Mayiga bwagambye.
Oweek. Mayiga era asekeredde abalowooza nti abantu balina kubakuumira mu kutya okusobola okubafuga.
Ono aludde abatta abantu okukimanya nti ensi tugilyako makoola era nasaba okwewala okutyoboola eddembe ly’abantu.
ku Kirwadde ki sennyiga Corona, Katikkiro Mayiga asabye abantu okwekuuma ekirwadde kino era bakole buli kimu okubwetangira.
Katikkiro anyonyodde nga okusoomoozebwa kwasinze okufuna, kwe kwebuuza obanga abavubuka balaba byagezaako okubalaga era n’okwebuuza oba abantu bamutegedde ku nteekateeka ez’enjawulo.