![](https://gambuuze.ug/wp-content/uploads/2020/03/Mutumba-1024x768.png)
Bya URN
Ekibiina ekiri mu buyinza ekya National Resistance Movement [NRM] kyetisse ebifo ebisinga obungi ebya sipiika mu Kampala.
Okulonda ba sipiika olwaleero kwaddirira ennongoosereza mu tteeka erifuga Kampala Capital City Authority, eyassaawo woofiisi ya sipiika eyali yagyibwawo mu teeka lino erya 2010.
Mu ggombolola y’e Lubaga, bakansala balonze Musah Mbaziira owa NRM ng’ono amezze Henry Lutwaama eyabadde yessimbyewo ku ulwe.
Mbaziira yafunye obululu 27 ate munne Lutwama nafuna 19.
Kenneth Ssonko nga naye wa NRM yeyawangudde eky’obumyuka bwa sipiika oluvanyuma lw’okufuna obululu 24.
Munne gweyabadde
yeesimbyewo naye Henry Mpiima nga naye wa NRM yafunye obululu 22.
E Kawempe, Onesmus Mutumba owa NRM yafunye obululu 31
okumegga Stephen Mungi owa DP eyafunye obululu 16.
Hamidah Nambajwe owa NRM
naye yamezze munne Christine Kyomuhendo okufuuka omumyuka wa sipiika.
Mu ggombolola y’omukulu w’ekibuga, Sylvia Bahemurwaki naye
nga wa NRM yafunye obululu 22 okufuuka
sipiika nga yawangudde Maureen Tumusiime
eyafunye obululu 11.
Mu ggombolola y’e Makindye, Muzafar Kiyemba owa DP yafunye obululu 24 okuwangula John Tugaineyo eyafunye obululu 22.
Kyokka Aisha Nabasirye owa NRM nawangula eky’obumyuka bwa sipiika.
E Nakawa Moses Mugisha owa NRM teyavuganyiziddwa, nga’te Ali Kaluli naye owa NRM nawangula obumyuka bwa sipiika n’obululu 26. Ono yawangudde Robert Asiimwe naye nga wa NRM.
Ate ku disitulikiti e Kampala, Bruhan Byaruhanga owa NRM naye yawangudde obumyuka bwa sipiika oluvanyuma lw’okufuna obululu 18 ngate ye Doreen Sabuka owa FDC yafunye obululu 13.