![](https://gambuuze.ug/wp-content/uploads/2019/11/Musevenii.jpg)
Bya Musasi waffe
Omukulembeze w’eggwanga Yoweri Kaguta Museveni agambye nti agenda kuggyayo nag’omubuto okulaba nga atuula kunfeete obumenyi bwamateeka naddala obwokokozesa emmundu. Mubbaluwa ye gyawandiikidde Bannayuganda naddala abavubuka baayita abazukulu, Museveni yagambye nti ebibinja byababbi mumyezi mitono egyakayita bisse abantu 13 saako n’okulumya abalala babiri, n’okubba obukadde obuwera 24. Kyokka Museveni yagambye nti ebitongole byebyokwerinda era bisobodde okukwata abamu kubabbi bano 20, nga kubbo munaana batwaliddwa mukkooti, ate nga emmundu nnya nazo zinunuddwa nga kw’ogatta obukadde 10. “Akabondo k’ababba amasimu n’emmotoka nako tukafufugazza, era nga tukutte abantu 208 abateeeberezebwa okwenyigira mububbi buno. Amasimu agawera 2524, ppikipiki 141, ttivi 25 ne laptop 280 nabyo binnunuddwa,” Museveni bweyagambye. Yasabye abantu okwongera okuba kubwerinde wamu n’okutegeeza abebyokwerinda kubantu bwonna bebateebereza okuba abazzi b’ebimisango. Ettemu n’obubbi bisinze kweyolekera mu Kampala, Lyantonde, Ntungamo ne Entebbe.