Bya Ronald Mukasa
Mmengo – Kakeeka
Minisita w’Ebyenjigiriza, Ekikula ky’Abantu n’Ebyobulamu mu Bwakabaka, Owek. Cotilda Nakate kikomeko asaasidde ab’ ettendekero Buganda Royal Institute of Business and Technical Education e kakeeka Mengo olw’okufiirwa abayizi bana (4) balamba mu kabenje akaaliwo ku Lwomukaaga lwa Ssaabiiti ewedde.
Owek. Kikomeko asaasidde abazadde baabayizi abafiridde mu kabenje kano nategeeza nga bwetakitali kyangu omuzadde okutunula mu ntaana y’omwanawe bwatyo nabakwasa mukama okubanyiga ebiwundu.
Minisita era asaasidde abayizi olw’okuviibwako bannabwe naabasaba okubeera abagumu mukiseera kino nokusabira bannabwe abakyafuna obujjanjabi.
Ye Ssenkulu w’ ettendekero lino, Owek. Joseph Balikuddembe ategeezezza nga abayizi mukaaga (6) bwebakyafuna obujjanjabi. Ono era awakanyiza ebigambibwa nti akabenje abayizi bano bakafunidde mu bbaasi ya ssomero nategeeza nti kino si kituufu kuba bano baali mu mmotoka ya buyonjo..
Owek. Ssenkusu yeebazizza olukiiko olufuzi olw’obuwagizi bwebawaddeyo mu nteekateeka y’okuziika abayizi bano ku biggya bya bajjajja bwe.
Kinajjukirwa nti abayizi abafiirawo kuliko Ssentongo Hassan ne Ssempebwa Hausi abazikiddwa olunaku lw’eggulo songa Tukundane Rogers ne Mayanja Joseph bazikiddwa olwaleero.