Bya Musasi Waffe
Kampala
Muwala wa Gen. Katumba Wamala, Brenda Nantongo Wamala, atemuddwa enkya ya leero abatemu ababadde batambulira ku pikipiki ayogeddwako ng’omuwala ow’empisa era omugezi gwe babadde basuubiramu ebyamaanyi mu maaso.
Nantongo abadde mu mmotoka yeemu ne kitaawe Katumba Wamala nga bagenda okuziika omu ku booluganda lwabwe eyafudde.
Ye Gen. Katumba Wamala afunye ebiwundu ebyamaanyi n’addusibwa mu ddwaliro ng’ali mu mbeera mbi ate ddereeva we abadde tannategeerekeka linnya we tukoledde eggulire lino ye afiiriddewo.
Bw’abadde ayogerako eri bannamawulire ku ddwaliro, owooluganda Joyce Ssentongo ng’ono mulamu wa Katumba ategeezezza nti Brenda Nantongo abadde yaakadda oluvannyuma lw’okumaliriza emisomo mu Amerika.
Brenda Nantongo y’abadde omuggalanda wa Gen. Katumba Wamala.