Bya Ssemakula John
Kampala
Eyakulirako essomero lya Mengo SS ne King’s College Budo, Patrick Bakka Male, afudde.
Okusinziira ku b’enganda, Male afiiridde mu ddwaliro lye Mulago mu kasenge k’abayi gyabadde yatwalibwa ku Lwokubiri.
Bano bategeezezza nti omugenzi yatwalibwa mu ddwaliro lye Mulago oluvannyuma lw’embeera ye okwonooneka.
Bakka Male yeegatta ku ssomero lya Kings College Buddo mu 2008 oluvannyuma lw’okukyuusibwa okuva ku Mengo Senior School.
Munnabyanjigiriza Male abadde yalekulira emirimu ku ntandikwa y’omwaka guno wadde abadde tanawaayo woofiisi mu butongole eri John Kazibwe eyamuddira mu bigere ku ssomero lya Mengo Senior School.
Omu ku bantu abayita mu mikono gye era munnamateeka e Bungereza Kato Mpanga ategeezezza nti omugenzi tabadde mukulu wa ssomero kyokka naye eky’okulabirako eyabakubirizanga buli kadde okukola ekyo ekituufu ekisaanidde.
Mpanga agamba nti abasomerako e Buddo awamu n’essomero kyebayinza okukolera omugenzi kati kwekumubulamu ekizimbe kya Tuzimbe kyeyaleka atandise okusobola okumusiima olw’emirimu gyabakoledde.
Wetukoledde eggulire lino nga famire y’omugenzi tenaba kufulumya nteekateeka zamuziika mu butongole.