Bya Ronald Mukasa
Kyaddondo- Mmengo
Kamalabyonna Charles Peter Mayiga akubiriza Obuganda okunnyikiza obwerufu okusobola okutuukiriza ebyayisiddwa mu Nnamutaayika eyasomeddwa okusobola okukyuusa embeera z’abantu ba Beene.
Obubaka buno Katikkiro Charles Peter Mayiga abuttise Minisita w’ Amawulire n’Okukunga era Omwogezi w’Obwakabaka, Owek. Israel kazibwe Kitooke bw’abadde amukiikiridde okutikkula Bannakyaggwe, Bannakyaddondwa ne Bannabuddu Oluwalo mu Bulange e Mmengo ku Lwokubiri.
Owek. Mayiga abakuutidde okukola n’obwerufu, okweyubula n’okuva mu nkola y’omulembe omukadde batambule n’omulembe omuggya, okukozesa eby’obuwangwa n’ennono okutwala Obwakabaka mu maaso.
Minisita Kazibwe ategezeeza Obuganda nga Obwakabaka bwebwaguze ettaka era buli mu kuzimba amalwaliro mu masaza ag’enjawulo okusobola okutumbula eby’obulamu.
Eyakulembeddemu Bannakyagwe, Omumyuka ow’Okubiri owa Ssekiboobo, Owek. Fred Katende Kangave baweze okweyuna enteekateeka z’okulaakulanya abantu ezitandikibwa Obwakabaka.
Eggombolola ezikiise embuga kubaddeko; Mutuba XIV Malongo, Ssabaddu Lufuka, Mutuba I Nakisunga, Musaale Nagojje, Musaale Butenga ne Ssabaddu Ntenjeru
Ensisinkano eno yetabiddwamu abantu abenjawulo okuli abakulembeze n’abaana b’amasomero.