Bya Musasi Waffe
Ssabasajja Kabaka Ronald Muwenda Mutebi II asiimye n’alonda abaami b’amasaza abaggya n’abamyuka baabwe oluvannyuma lwababaddeko okuweereza emyaka etaano. Mukiwandiiko ekyafulumiziddwa woofiisi ya Katikkiro, Ssabasajja yasiimye nnyo obuweereza bw’abaami ababaddeko obwayogeddwako ng’obubaddemu obuyiiya, obunyiikivu, n’okukozesa okwagala. Mubbanga ery’emyaka etaano, ekiwandiiko kyategeezezza nti wabddewo bingi ebituukiddwako omuli okuddaabiriza embuga z’amasaza, okutuuza enkiiko z’amasaza n’okulungamya abaami ku mitendera nga bwegigenda gidiringana wamu n’okussa munkola entekateeka za gavumenti ya Kabaka. Mubirala mulimu okukunga Obuganda okubugiriza Kabaka yonna gyaba agenze, okuwagira kaweefube w’ettoffaali wamu ne Luwalo Lwaffe n’ebirala bingi. “Mu myaka etaano egyakayita, ensonga z’obwakabaka zeyongedde ebbugumu n’okujjumbirwa abantu ba Buganda nga kino kiva ku bunyiikivu bw’abaami mu Masaza,” ekiwandiiko nga kyatekeddwako omukono gwa Katikkiro Charles Peter Mayiga bwekyategeezezza.
Bano bebaalondeddwa