![](https://gambuuze.ug/wp-content/uploads/2020/03/Okoth.jpg)
Bya URN
Ssaabaduumizi wa poliisi Martin Okoth Ochola alagidde poliisi y’ebidduka okutandika okunonyereza kunfa y’omuwala Ritah Nabukenya omuwagizi w’ekisinde ky’ebyobufuzi ekya People Powere eyattirwa mu kabenje wiiki ewedde.
Nabukenya yafa oluvanyuma lw’okutomerwa egambibwa okuba
emmotoka ya poliisi bweyali agenda ku kkooti ya Buganda Road, Robert Kyagulanyi
Ssentamu, oba muyite Bobie Wine gyeri agenda okulabikako mu maaso g’omulamuzi
okuwulira omusango gwe gwavunaanibwa olw’okwekalakaasa olwo’oumusolo gw’essimu
ogwa OTT.
Abeerabirako n’agaabwe bategeeza nti Nabukenya yatomerwa emmotoka ya Poliisi mu bugenderevu.
Kyokka omwogezi wa poliisi Fred Enanga bino naabiwakanya n’agamba nti poliisi yali edduukiridde buddukirizi oluvanyuma lw’ono okugwa kukabenje boda boda kweyali bweyatomeragana n’endala.
Poliisi yali essuubizza okuleeta akatambi akalaga ebyaliwo kyokka oluvanyuma Enanga yeekyusa bweyategeeza nti obudde akabenje bwekaaliwo kamera tezaaliko.
Kino kyasaanuula abantu nebagamba nti poliisi yali ebikkirira basajja baayo abaali benyigidde mu ttemu lino.
“Ennyike gyetulina yansusso, Nabukenya teyandifudde mungeri
eno. Omwana omuto bwati okuttibbwa mu ngeri embi bweti. Bulijjo poliisi
mumbeera ng’eno ebaako nebyeyogera okusobola okubikkirira ebikolwa byayo,”
Kyagulanyi bweyagamba.
Olwaleero Enanga ategeezezza
Bannamawulire nti mukamaawe, yalagidde wabeewo okunonyereza nga kukulirwa Assistant
Superintendent of Police Pamela Kentaro okusobola okumatiza abantu kiki
ekyaliwo.