Musasi waffe
![](https://gambuuze.ug/wp-content/uploads/2020/06/Tumukunde.jpg)
Lt. Gen. Henry Tumukunde asabye akakiiko k’ebyokulonda okwongerayo akalulu ka 2021 okutuusa ng’ekirwadde kya coronavirus tekikyali kusoomooza eri eggwanga.
Bwabadde ayogerako ne bannamawulire mu makaage e Kololo, Tumukunde agambye nti tekisoboka kutegaka kalulu k’amazima na bwenkanya mu mbeera eno.
Wiiki ewedde akakiiko k’ebyokulonda kalangirira nti kaali kagenda mu maaso n’okutegaka akalululu ka 2021 newankubadde nga tekaali kakukkiriza nkungaana.
Akulira Akakiiko kano, Omulamuzi Simon Byabakama Mugenyi yagamba nti semateeka mu kawaayiro 61 [2] abalagira okutegeka akalulu mu naku 30 agasooka kwezo 122 ezisembayo ng’ekisanja kya pulezidenti tekinaggwako.
Ono era yategeeza nti tebalina buyinza bukayimiriza.
Kyokka Tumukunde agamba nti kizibu okubeera n’akalulu mu mbeera eno akeesigika.
“Baani bannanyini leediyo… basobola okukukkiriza okuzoogererako singa oba owakanya gavuumenti,” Tumukunde bwayagambye.
Yagasseeko nit bali mu kwogeraganya n’abebibiina ebivuganya gavumenti okulaba nga bavaayo n’eddoboozi eryamu.
“Naye singa tulema okukkanya, tewaabe kyakukola okuleka okwesimbawo,” Tumukunde bweyagambye.
Ono si yeyekka eyakavaayo n’awakanya akalulu kano. Bobi Wine, Dr Kizza Besigye, n’abalala bagamba sibeetegfu kukkiriza kalulu akataliimu kampeyini.