![](https://gambuuze.ug/wp-content/uploads/2020/01/BLB-2-1024x683.jpeg)
Musasi waffe
Abakulembeze okuva mu Bukama bwa Bunyoro Kitara basisinkanye abakulira ekitongole kya Buganda Land Board okubayigirako wamu n’okufuna amagezi ku ngeri gyebaddukanyamu ensonga z’ettaka mu Buganda nabo basobole okukola kyekimu.
Ensisinkano yetabiddwamu Minisita w’eby’ettaka mu Bwakabaka Oweek. Mariam Mayanja Nkalubo, Ssentebe wa Boodi eddukanya Buganda Land Board, Oweek. Martin Sseremba Kasekende, Ssenkulu wa Buganda Land Board era Minisita w’obuwangwa, ennono n’obulambuzi, Oweek. David Kyewalabye Male.
![](https://gambuuze.ug/wp-content/uploads/2020/01/BLB1-1024x683.jpeg)
Ekibinja okuva e Bunyoro kukulembeddwamu Ssaabawolereza,Oweek. Edgar Agaba, Minisita w’ensonga z’ebweru wa Bunyoro, Oweek. Philip Katahoire wamu ne Minisita w’eby’obugagga eby’ensibo, Oweek. Jackson Byaruhanga.
Ensisinkano ebadde ku kizimbe kya Masengere, Mengo enkya ya leero.
Kinajjukirwa nti ekibinja okuva e Bunyoro nga kikulembeddwamu omukubiriza w’olukurato (Olukiiko) kyajja okulaba enzirukanya y’olukiiko lwa Buganda n’engeri gyeluteesaamu.