Bya Ssemakula John
Kampala
Poliisi mu Kampala etegeezezza nti abavuzi ba boodabooda 250 be baakwatiddwa ne ppikipiki 712 mu Kampala ku poliisi ez’enjawulo oluvannyuma lw’okujeemera ebiragiro bya kafyu ebyateekebwawo okutangira ekirwadde kya COVID-19.
Okusinziira ku amyuka omwogezi wa poliisi mu Kampala n’emiriraano, Luke Owoyesigire, baasinze kukwata abo abaasangiddwa nga bamenye ebiragiro bya COVID-19.
“Ppikipiki 712, emmotoka 174 ze zaakwatiddwa ate abantu bali 250 be baakwatiddwa ne baggalirwa ku poliisi ez’enjawulo.” Owoyesigire bwe yagambye.
Ono yannyonnyodde nti bano bagenda kuyimbulwa ku kakalu ka kkooti oluvannyuma lw’okutanzibwa engassi ku ppikipiki zaabwe n’emmotoka.
Owoyesigire ategeezezza nti, “Bajja kusooka kusasula ngassi okubaddiza emmotoka zaabwe ne ppikipiki.”