![](https://gambuuze.ug/wp-content/uploads/2020/01/BMU.png)
URN
Poliisi
ku bizinga by’e Buvuma ekutte naggalira abakola ku nvuba embi ku mwalo gwe
Ttomo KU bigambibwa nti bamanyi kunfa y’omuvubi Noah Nabende.
Abakwatiddwa ye Deogratius Ssendiwala ne Patrick Kizito. Omwogezi wa poliisi
atwala ekitundu kya Ssezibwa Hellen Butoto yagambye nit abakwate basaangiddwa n’ebintu
by’omugenzi omuli n’obutimba nga bikwekeddwa
mu mayumba gaabwe.
Nabende abadde omusumba omukulu mu kkanisa ya Jesus’s fire esangibwa e Kitamiro
mu disitulikiti y’e Buvuma. Omulambo ggwe gwasangiddwa ku mwalo oguliranye Ntiro, ng’era eno gyebasanze n’eryato lye. “Abakwate
bavunaanibwa era okutta omukuumi; wabula nga tukyakola okunonnyereza kwaffe,” Butoto bweyagambye.
Livingstone Maka, omuvubi e Buvuma eyawerekeddeko abasirikale okukwata
ababiri bano yategeezezza nti guno siggwe mulundi ogusoose bano okwenyigira mu
bikolwa nga bino ku bizinga.
Omumyuka
w’omubaka wa pulezidenti atwala disitulikiti y’e Buvuma
Juma Kigongo yagambye nti sikituufu abakola ku nvuba embi okukola ebikwekweto
ku nyanja nga tebali n’abakulira eby’obuvubi.