![](https://gambuuze.ug/wp-content/uploads/2020/08/117334459_3380185215375118_6551532362988413491_o.jpg)
Bya Musasi Waffe
Masengere
Eyeegwanyiza entebe y’Obwapulezidenti Gen. Henry Tumukunde, alabudde ab’akakiiko k’ebyokulonda ne gavumenti okukola ekisoboka okulaba nga tebazza ggwanga mwebyo ebyaliwo mu mwaka gya 80.
Tumukunde okwogera bino abadde akyaddeko ku BBS Terefayina e Mmengo mu Kampala olwa leero ku pulogulaamu ya Zimba Ensi Yo.
“ Nzijjukiza akakiiko k’ebyokulonda ne gavumenti eri mu buyinza obutatuzzaayo mu nnaku za 80 kubanga twafirwa ebintu bingi era nze sirina kugulu wano”, Tumukunde bweyagambye
Ono yanyonyodde nti bannayuganda basaanye okusitukiramu bakyuuse eggwanga lyabwe era tebasuubira muntu mulala kujja atereeze embeera.
Tumukunde yagasseeko nti bannayuganda bonna bagala nkyukakyuka ey’emirembe era nga bagala pulezidenti Museveni asiibulwe mu mirembe addeyo mu makaage kubanga alina kyakoledde eggwanga.
“Uganda Katonda ayinza atya okujagala ekitono nagiwa omuntu omugezi, omu yekka nga yasobola okukulembera ensi nga abalala tebasobola ” Tumukunde bweyalambise
Ono yasabye bannayuganda okwaniriza buli muntu avuddeyo okulwanirira enkyukakyuka