Bya Samuel Stuart Jjingo
Mengo – Kyaddondo
Minisita w’Abavubuka, Emizannyo n’Ebitone Oweek. Robert Sserwanga Ssaalongo asisinkanye abavubuka okuva mu Wakiso Parish Youth Apostolate wansi wa Kampala Diocese nga bakulembeddwamu Chaplain w’abavubuka Rev. Fr. Francis Kasajja awamu ne Ssaabavubuka Wamala Charles.
Abavubuka bano baagala nnyo okulwanirira n’okukuuma obutondebwensi, batumbudde obumu mu mirimu n’obuweereza bw’ebakola era basaba okuzimba omukago n’Obwakabaka okukolera awamu emirimu n’okuzimba obukulembeze bw’abavubuka.
Oweek. Sserwanga yeebazizza nnyo enkolagana y’ekereziya n’Obwakabaka naddala okukunga abavubuka bulijjo nga bayitiddwa mu mirimu egy’enjawulo.
Minisita era yeebazizza omulimu gwe bakola naddala mu kulwanirira obutondebwensi n’okutandikawo polojekiti eziyingiza ensimbi eri abavubukaAbavubuka bawagidde emirimu gy’Embuga ne satifikeeti ya 200,000 okuyambako mu nteekateeka z’Obwakabaka.