Abatuuze b’e kizinga kye Buyiga mu ggombolola y’e Nkozi mu disitulikiti y’e Mpigi batubidde n’omulwadde wa COVID-19.
Ono aba minisitule y’ebyobulamu baamukubidde essimu ne bamulagira okussa abeewuwe mu kalantiini wa n’okwambala mask nga bwabalindirira okubanona.
Okuzuula omuntu alina coronavirus, kyaleetedde poliisi okuyimiriza emirimu gyayo ku kizinga kino.
Eby’obusuubuzi wamu n’amaato gonna gaayimiriziddwa nago okuddamu okukola.
Wosomera bino ng’omulwadde ono akyali mu makaage akola mirimugye egyabulijjo wamu n’abomunjuye.
Dr Margret Nannozi, akola nga akulira eby’obulamu e Mpigi agambye bamalirizza enteekateeka y’okutwala omulwadde ono wamu n’abomunjuye mu ddwaliro ekkulu e Mulago okujjanjjabibwa.
Yayongeddeko nti ab’ebyobulamu ku disitulikiti nga bali wamu n’abaminisitule bawuliziganya n’omulwadde ono buli kaseera okumubuulira eky’okukola obutasiiga kirwadde kino ba’munjuye wamu n’ekyalo.
Ekizinga ky’e Buyiga kiriko abatuuze nga 10, 000 nga kiyungibwa ku lukalu n’ekitoogo.
Ssentebe w’omuluka gw’e Buyiga Asuman Balikoowa yagambye omulwadde ono ku Lwomukaaga yagenda mu ddwaliro e Gombe mu disitulikti y’e Butambala, era ng’eno Ab’ebyobulamu baamukebera ekirwadde kya COVID-19 kyokka nakkirizibwa okuddayo ewaka.
Balikoowa agamba nabo bakyebuuza wa ono gyeyajja obulwadde buno.
Kyokka bateebereza nti kirabika yabujja muddwaliro gyabaddenga agenda.
Ekizinga kino kifuna abagenyi nga 100 buli lunaku.
URN