Musasi waffe
![](https://gambuuze.ug/wp-content/uploads/2020/07/Winnie_Final.jpg)
Okusinziira ku kunoonyereza okwakoleddwa ekitongole ky’ebyobulamu eky’ensi yonna ekya World Health Organization nga kiri wamu nekinnakyo ekikola ku kulwanyisa siriimu ekya United Nations Joint Program on HIV and AIDS (UNAIDS), abantu abasukka mu 500,000 bayinza okufa siriimu olw’omuggalo ogw’ekuusa ku coronavirus.
WHO egamba nti amawanga agawerera ddala 73, gagenda kukosebwa ebbula ly’eddagala eriweweeza ku kawuka ka siriimu liyite ARVs.
Amawanga 24 ngamaze dda okutegeeza nti eddaga lya ARVs tegakyasobola kulifuna nga bwekyali ng’ekirwadde kya coronavirus tekinnagalumba.
Okubulawo kw’eddagala wamu n’amalwaliro okuba amatono byebimu kubizibu abalwadde ba siriimu byebasinga okusanga.
Winnie Byanyima, akulira UNAIDS yategeezezza nti obujjanjjabi bwa siriimu wamu n’okumwetangira bisuuliddwa muguluka mu kaseera kano ng’ensi ettunka ne coronavirus.
Bwabadde ayogera mu lukiiko olukwata ku siriimu luyite, AIDs Conference 2020, Byanyima yagambye kekano akadde amawanga okuzuukuka ng’ekizimba tekinnasamba ddagala.