Musasi waffe
Abantu abalala 24 ng’era bonna bavuzi babimotoka ebitambuza eby’amaguzi mu Uganda n’amawanga amalala basangiddwamu ekirwadde kya coronavirus.
Kino kitegeeza omuwendo gw’abakirina gutuuse ku 227 mu Uganda.
Kubano kuliko Bannayuganda bana, Bannakenya 14, n’Abatanzania mukaaga.
Bano baakebeddwa ku nsalo ya Uganda ne South Sudan Elegu, kunsalo ne Kenya e Malaba, wamu ne ku nsalo ne Tanzania e Mutukula.
Minisitule y’ebyobulamu yategeezezza nti ku bantu abalala 554 abaabulijjo abaakebereddwa tekuli yasangiddwa nakirwadde kino.
Wonna omugatte abantu 2,044 bebaakebereddwa eggulo.