Bya Ssemakula John
Kampala – Kyaddondo
Abakulembeze bakubiriziddwa bulijjo okufaayo okuleka omukululo nga bali mu buweereza abalala basobole okulabirako era kiyambe okunyweza Ebika byabwe.
Obubaka buno buweereddwa Omutaka walusimbi Makubuya Mbirozankya omukulu w’Ekika ky’Effumbe bw’abadde ali ku mukolo gw’okulayiza abakulembeze abaggya ku lukiiko lw’Ekika kino.
Abalayiziddwa kuliko; Omumyuka Katikkiro w’ekika owokubiri John Ssebaggala kigozi, Ssengendo Godfrey wa Byabuwangwa, Nabaggala Hadijah y’ akulira abakyala, Annet Nalubwama wa mawulire ate Ssebaggala Sulaiman agenda kuvunaanyizibwa ku ntambula za Jjajja.
Omutaka Walusimbi era abasabye okufaayo okulaakulanya ekika kyabwe era bafube okutuukiriza obuvunaanyizibwa obubaweereddwa okusobola okugenda mu maaso.
Ye Omutaka w’Engo, Muteesaasira Keeya Namuyimba Ttembo abakulembeze abaggya abasibiridde entanda okuteeka mu nkola obuvunaanyizibwa bwabwe baleme kukoma kugwogera nga mukino ekika lw’ekijja okugenda mu maaso.
Ye Omukuku w’Ekika ky’Engeye Omutaka Kasujja Kakande Kibirige Sheba Kyasimba abawadde amagezi okwewala ebisomoozo okubagya ku mulamwa wabula bafube okutema empenda okubigonjoola .
Bbo abakulembeze abalondeddwa baweze okuweereza obulungi nokulaba nga ekika kyongera okukulaakulana nokuggumira.