Bya Ssemakula John
Kampala
Abakugu mu nsonga z’embeera y’obudde aba Uganda National Meteorological Authority (UNMA) bavuddeyo ne balung’amya ku bbugumu erisusse mu kiro ne basaba bannansi obuteraliikiria kuba kino kivudde ku bire ebyasseeko wansi okusinga bwe bibadde.
![](https://gambuuze.ug/wp-content/uploads/2021/03/bbaba-1024x585.jpg)
Mu kiwandiiko ekyafulumiziddwa omukugu Yusuf Nsubuga, yategeezezza nti, ettaka n’ebizimbe bisika ebbugumu okuva ku musana mu budde obw’emisana. Mu kiro bino bifulumya ebbugumu lino naye olw’okuba ebire byasembedde kumpi ebbugumu liremwa okwambuka waggulu okusukka ebire ne kireetawo ebbugumu eryamaanyi.
Olw’okuba ebire byasembedde, mu kifo ky’ebbugumu okwambuka limaliza likomyewo gye tuli, “Nsubuga bwe yategeezezza.
Bannayuganda bangi mu nnaku eziyise bavuddeyo ne beemulugunya ku bbugumu erisusse. Nsubuga yannyonnyodde nti ebbugumu lino liraga nti tuva mu sizoni y’omusana okuyingira mu y’enkuba era n’asaba abantu okwongera okwetegeka.