![](https://gambuuze.ug/wp-content/uploads/2020/06/Oweyesigyire.jpg)
Abantu babiri battiddwa mu kitundu kya Kampala n’emirirwano okusinziira ku Poliisi.
Ababiri bano battiddwa mu busambattuko b’omumaka.
Omu amanyiddwa nga Namuwonge Sarah ow’emyaka 24, nga mutuuze w’e Kigoma e Bujuuko ate omulala ye Kakai Viola, omusawo e Kiteezi, mu disitulikiti y’e Wakiso.
Okusinziira kw’ayogerera Poliisi y’e Kampala n’emirirrwano, Luke Oweyesigyire, Namuwonge yattiddwa muganzi we eyategeerekeseeko erya Byaruhanga.
Ono abadde mukuumi mu kampuni y’obwannayini era nga woosemera bino ebyayi yamaze dda okubinnyika mu nsuwa.
Ate ye Kakai Viola, yekubiddwa akakumbi ku mutwe omwami we Samanya Simon oluvannyuuma lw’obutakkanya mu maka obumaze akabanga k’emyaka ebiri.
Poliisi y’e Kiteezi gyebuvuddeko yanyingira mu nkaayana zaabwe.
Oweyesigyire yagambye nti poliisi etandise okunonyereza ku butemu buno era bano webanaakwatibwa baakutwalibwa mu kkooti babitebye.
URN