Musasi waffe
Omuwendo gw’abalina ekirwadde kya COVID-19 guweze 457 oluvannyuma lw’abantu 40 abalala okukeberebwa nebasangibwamu n’ekirwadde kino.
40 gano bebamu ku bantu 1,319 abaakebereddwa eggulo okuva mu bitundu by’eggwanga ebyenjawulo.
Kubano, 40, 23 bavuzi ba bimotoka okuva mu bitundu eby’enjawulo ng’ate 17 bantu baabulijjo kyokka nga balina akakwate n’abavuzi b’ebimotoka bano.
Minisitule y’eby’obulamu era yazizzaayo abantu abalala 31 mu mawanga gaabwe gyebaabadde bava oluvannyuma lw’okuzuulibwamu ssenyiga wa kolona.
Minisitule eggulo yategeezezza nti ab’ebyobulamu musanvu nabo basaangiddwamu ekirwadde kya coronavirus, ekintu ekitandise okweraliikiriza.
Bino webiggyidde ng’omukulembeze w’eggwanga Yoweri Kaguta Museveni asuubirwa okwogerako eri eggwanga akawungeezi kaleero.