Bya Ssemakula John
Namirembe – Kyaddondo
Obwakabaka bwa Buganda busiimye emirimu gya Ssaalongo Drake Mugerwa ng’ono ye taata w’ abaweereza mu Bwakabaka mu kitongole ki Werinde Insurance Company ne kampuni y’ Emmwaanyi Terimba.
Mu bubaka bwa Katikkiro Charles Peter Mayiga obusomeddwa, Omumyuka ow’okubiri owa Katikkiro, Owek. Robert Waggwa Nsibirwa, ategeezezza abakungubazi abakungaanidde mu kkanisa e Namirembe nti omugenzi yafaayo nnyo nakuliza abaana be mu mpisa era nabateekateeka bulungi nebasobola okugasa ensi Buganda ne Uganda.
Omugenzi Ssaalongo Mugerwa ye kitaawe w’Omukungu Omuk. Daniel Damulira ssentebe wEmwannyi Terimba ne Lady Canon Alice Damulira omuwereza mu Yinsuwa y’Obwakabaka Werinde.
Omukolo gw’okwebaza Katonda olw’obulamu bw’omugenzi gutandise nakusaba okukulembeddwamu Ssaabalabirizi, Dr. Samuel Stephen Kazimba Mugalu, ng’ayambibwako Omulabirizi wa West Buganda Diocese, Rt. Rev. Henry Katumba Tamale.
Omugenzi yafa ku Mmande ya Sabiiti eno nga wakuzikibwa olunaku lwenkya ku biggya bya bajjajjabe Namunkukula – Wunga e Kayunga mu Bugerere.