Bya musasi waffe
Minisita w’ebyenjigiriza e Mmengo Oweek. Dr. Prosperous Nankindu Kavuma olwa leero alambudde Ssettendekero wa Muteesa I Royal University e Kakeeka Mengo, okulaba emirimu bwegitambuzibwamu.
Ayaniriziddwa omumyuka wa Ssenkulu Pulofeesa Umar Kasule era amulambuzza woofiisi n’ebifo bya University eby’enjawulo.
Dr. Nankindu ayogeddeko n’abayizi baasanze nga basoma ebitabo mu bimuli bya University. Abasabye okuteekamu amaanyi mu misomo gyabwe ate babeere n’ekigendererwa lwaki basoma.
Owek Nankindu asabye abazadde okuleeta abaana basomesebwe ebintu ebinaabayamba okuyita mu bulamu bwensi eno.
Era abasabye okugenda e Mmengo bafune basale basobole okuganyulwa ku nsawo ya Kabaka.
Pulofeesa Umar Kasule ategeezezza nti mu kiseera kino ssettendekero etambula bulungi nga n’embeera esobozesa omuyizi okusoma obulungi.