Bya Ssemakula John
Mawogola
Abaddukanya ttiimu y’essaza lya Mawogola ekintu bakitutte ku mutendera oguddako bwebayungudde abatendesi abaggya abagenda okubayamba okutwala ekikopo ky’omupiira gw’Amasaza okuli n’omuzungu.
Abatendesi bano kuliko Omuzungu Omar , Kasekende Fred, Kateregga Uthman ne Iddi Ssemata era bano beeyamye okukolera awaamu , bwerufu , nokuweerereza Bannamawogola mu ngeri ematiza.
Ye Omuyima wa ttiimu eno era omubaka Shartshi Musherure asinzidde wano nategeeza abakulu bano nti basuubirwamu bingi era bakole buli kisoboka okuleetera bannamawogola obuwanguzi mu kikopo ky’omwaka 2024.
Kinajjukirwa nti ttiimu eno ebadde ekyalemeddwa okusemberera ezannya eziddirira ez’akamalirizo mu myaka egiyise.