Bya Ssemakula John
Kampala
Musajja wa Kabaka era Munnamakolero Francis Xavier Kitaka afudde.
![](https://gambuuze.ug/wp-content/uploads/2020/09/Kitaka.jpg)
Ono ye mutandisi wa kkampuni ya MTK ekola eddagala ly’ebisolo ku Nasser Road era awamu ne Quality Chemicals Limited ekola eddagala eriwewezza ku kawuka akaleeta Mukenenya n’eddagala eddala.
Kitegeerekese nga Kitaka afiiridde mu ddwaliro e Mulago gyeyabadde atwaliddwa okujjanjabwa, era waviridde mu bulamu bwensi nga aweza emyaka 85.
Kitaka abadde munnasayansi omukugu mukutabula eddagala ely’ebisolo wamu nelya bantu era nga yomu ku bannayuganda abatono abasooka okufuna obukugu buno.
Abantu ne Kkampuni mu biti eby’enjawulo okuli; Victory University ne Ekeleziya ya Kiwamirembe Martyrs Shrine e Kajjansi baweereza obubaka obusaasira ab’enju y’omugenzi.
Mu budde buno ab’enju tebanaba kufulumya mawulire matongole ku nfa n’enteekateeka y’okukungubagira omugenzi.
Ebisingawo ku ggulire lino tubireeta
Gutusinze nnyo Ayi Ssaabasajja Kabaka