Musasi waffe
Pulezidenti Museveni agambye gavumentiye yakussa akase kamu [I trillion] mu banka ya Uganda Development Bank okusobola okuziwola bannamakolero.
Bwabadde ayogera mu kuggulawo kampuni enkozi ya mask e Mbalala mu Kyaggwe, Museveni agambye nti ku 1.9 trillion ekitongole ky’ensi yonna ekikola kukuwola essente ekya International Monetary Fund [IMF], okuyamba eggwanga okuvvuunuka obuzibu bwebyenfuna obuleeteddwa coronavirus, I trillion zaakuteekebwa mu bbanka eno.
Bwabadde atongoza kampuni yaLida Packaging products, Museveni agambye nit akooye okulaba essente z’eggwanga nga zigenda mu kugula ebyamaguzi ebweru ngate bisobola okukolebwa wano.
“Tetuyinza kwewola ssente ate netudda mukugula ebintu wabweru. Tulina okutandika okwekolera ebyaffe era kino kyennagambye naakulira IMF, Tao Zhang,” Museveni, bweyagambye.
Ono era yagasseeko nti Uganda erina ebyetaagisa mu makolero ebimala ebigisobozesa okutandika okwekolera ebintu byayo naddala mu kaseera kano akakazigizigi olw’ekirwadde kya coronavirus.
“Tulina obusobozi okukola ebinti bingi, wano kubanga byonna abyetaagisa tubirina. Abantu b’ebugwanjuba balina amatooke, agasobola okukola waragi abadde atta abantu naye nga kati bamukolamu sanitizer eziyambe mu kulwanyisa coronavirus,” Museveni bweyagambye.
Ono era yategeezezza nti agenda kulaba nga wakuteekawo omusolo ku bintu ebiggyibwa wabweru weggwanga okusobola okuwa omukisa ebikolebwa muggwanga okufuna akatale.