Bya Ssemakula John
Kampala
Ttiimu ya Express FC sizoni eno tegenda kubeera nnyangu kubibwa oluvanyuma lw’okugula omusambi ow’ekumi nga beetegekera okusamba Liigi ya Uganda Premier League ey’omwaka 2020/2021
Omuwuwuttanyi Charles Musige, yaleeteddwa okwongera okunyweza ttiimu eno nga kino kyalangiriddwa leero ku Lwokutaano.
Ono aleeteddwa okuva mu Tooro United eyakirira mu Big League kati era nga yegasse ku basambi abalala okuli; Godfrey Lwesibawa me Cryspus Kusiima abamala edda okwegatta ku ttiimu eno.
Musige yategeezezza nti okwegatta ku Ttiimu eno kigenda kugiyamba okusobola okuzzaawo ekitibwa kyayo kyeyalina mu kusamba omupiira.
“ Ndi musanyufu okwegatta ku Red Eagle, era abo bokka abamanyi kyebakola bebasobola okwegatta ku ttiimu eno ey’ebyafaayo,” Musige bwagasseeko.
Musige yalina sizoni ennungi ku ttiimu ya Tooro United omwaka oguwedde wadde nga ttiimu eno byagigendera bubi nesindikibwa mu Liigi ya wansi.
Ono yateeba ggoolo ttaano nayambako emirundi mukaaga mu mipiira 20 wadde nga omutindo gwe omulungi tegwataasa ttiimu ya Tooro.
Okugenda mu Tooro United, Nyamityobora FC era nga yabasambira emipiira egiwerako.
Ono afuuse omutebi ow’okubiri okwegatta ku ttiimu eno oluvanyuma lwa Mustafa Kiragga eyavudde mu ttiimu ya Alexandria FC.
Kinajjukirwa nti, Express yasooka kwejjako abasambi 15 era eno y’ensonga lwaki ttiimu eno eguze abasambi abangi ku murundi guno.
Express sizoni ewedde yamalira mukifo kya Mwenda okuva mu mipiira 25.