Bya Musasi Waffe
Kasangati – Kyaddondo
Olukiiko olukulembera essaza Kyaddondo lutudde olunaku lwa leero neluteesa ku nteekateeka z’okutuuza Kaggo n’Abamyuka be awamu n’ensonga endala eziwerako.
Omukolo guno gugenda kubeerawo nga 26/10/2024 ku mbuga y’essaza e Kasangati era okusinziira ku Ssentebe w’Olukiiko oluteesiteesi Kawuma Henry Male asinzidde wano nakunga abantu ba Kabaka bonna okwongera okwetegekera omukolo guno era bajje mu bungi okwaniriza Kamalabyonna agenda okubeera omugenyi omukulu.
Omumyuka wa Kaggo Ow’okubiri, Dr. Fiona Kalinda asinzinde mu wano nayanjulira abakiise olukiiko olukulembeze olw’Essaza oluggya, ate nabasibira entanda y’okukola emirimu gy’Embuga obulungi kiggyeyo ekitiibwa ky’essaza.
Ye Kaggo Ahmed Magandaazi Matovu yebazizza abakiise olw’emirimu egyirabika egyikoleddwa naddala mu Ggombolola ate n’Ebitongole ebifubye okuteekateeka Amakkakalabizo, yebazizza obuvujjirizi bwonna eri Omukolo gw’okutuuzibwa kwe, ate nasaba abaweereza okukola ennyo okutekawo omukululo mu buweereza basobole nabo okulabika.
Asuubizza okuwagira abo bonna abafuba okukola ennyo okugatta ettofaali ku ssaza era akunze Bannakyaddondo nemirilaano okweyiwa ku mbuga e Kasangati basobole okujaguliza awamu