Abaddukanya ekkuumiro ly’ebisolo erya Uganda Wildlife Education Centre Entebbe edda eryayitibwanga Zoo bagambye beetaaga obuwumbi 15 okusobola okuliisa ensolo zino wamu n’okulabirira bannasayansi abazikolamu.
Ekkuumiro lino erirabirira ensolo 291 ez’enjawulo likoseddwa ebitenkanika ol’omuggalo gwa coronavirus oluvannyuma lw’abayizi abakola ebitundu 70 ku buli kikumi ku ssente ekitongole kino kyezifuna ng’ezisigadde ziva mu balambuzi abava wabweru w’eggwanga kyokka nga bonna tebakyajja.
Ngalabiseeko mu kakiiko akakola ku nsonga z’ebyenfuna by’eggwanga akeekennenya engeri Covid gyakozezzaamu ebyenfuna, James Musinguzi akulira ekkuumiro lino, yagambye beetaaga essente okusobola okulabirira ensolo zino obulungi wamu n’obutagoba bakozi baabwe.
Musinguzi yagambye beetaaga obuwumbi 8.2 okuddukanya emirimu gyabwe wamu n’obulala 6.6 ezz’okukulaakulanya ekkuumiro lino mu mbalirira ya 2020/2021.
Ono yagambye nti bwebeekubira omulanga eri gavumenti gebuvuddeko yabawa obukadde 750 n’abazira kisa abalala ne babawa obukadde 50.
Musinguzi yagasseeko nti era tebasuubira kufuna ssente amasomero nebweganaateebwa kubanga abayizi bajja kuba beemalidde ku byakusoma.
URN