Bya Benard Ssengoonzi
Jacob Okao ow’emyaka 19, azanye era nawangula omupiira gwe ogusoose mu ‘Uganda Premier League; [UPL] Omuvubuka ono muyizi okuva mu ssomero erimu ku gasibukamu omupiira erya st Mary’s ss Kitende, era Okao musanyufu nnyo okuweebwa omukisa okuzanyirako mu league ya bannantameggwa ey’eggwanga Uganda.
“Ndi musanyufu nnyo okuwebwa omukisa okuzanyirako mu UPL omulundi gwange ogusoose ng’omuzanyi akyasinze obuto era ndijjukira akaseera Kano obulamu bwange bwonna” Jacob Okao bweyategezezza banna mawulire ba Gambuuze.
Ku mipiira 25 Viper’s gyezannye, Okao azanyeko emipiira munaana gyokka omuli ogwa Kyetume FC, Sports Club Villa, Onduparaoa, Mbarara city, proline ne Jinja based bulL.
Jacob Okao abaddeko ku team y’abazannyi 18 ku mipiira nga bameggana ne Uganda Revenue Authority (URA), Maroons, ne Kampala capital city Authority (KCCA). Okao era eyatwara St. Mary’s SS kitende mu mpaka 2019 copa coca cola championship e Jinja ne mu East African football munDodoma mu Tanzania, akiriza nti omukisa guno ogwamuweebwa ajja gukozesa bulungi okutumbula ekitone kye.
“Era njagala okukozesa omukisa guno ng’ejjinja oly’okulinyako mubulamu bwange era ntunuulidde ekyokubeera omuzibizi asinga mu UPL era neegatte ne ku team y’eggwanga enkulu,” Okao bweyagambye.
Abazanyi abamubereddewo
Mungeri eyenjawulo, Okao asiimye nnyo omulimu ogwettendo abazanyi ba Viper’s gwebakoze ku bulamu bwe era nga mu bbo mwemuli; Hamid Lwaliwa, Geoffrey Waswa, Siraje Sentamu, Brian Nkuubi, Ngugwa Abraham ne Fahad Bayo okumuwa ebigambo ebizzaamu essuubi ku kitone kye eky’omupiira wamu n’batendesi n’abawagizi be.
Jacob Okao asuubirwa okwegatta ku bazibizi banne aba Viper’s omuli Halid Lwaliwa, Geoffrey Waswa, Bashir Asku wamu ne Ahmed Amayo okwo kwogatta Livingston Mulondo agenda okukomawo mu sizoni ejja oluvannyuma lwokusubwa season ewedde yona olw’obuvune.