Omwana Helena Nambalirwa abadde asoma ekibiina eky’okubiri ku ssomero lya Elea Primary School e Kawempe afudde oluvanyuma lw’okukibibwa kitaawe.
Ono yabadde
amulanga kugwa bibuuzo ebyamuweereddwa ku ssomero.
Amawulire
gaategeezezza nti Alex Ssebuliba,
omutuuze w’e Jinja Kaloli, mu ggombolola y’e Kawempe yeyakubye muwalawe emiggo
egyamusse nga mulanga obukugwa ennamba zonna ezamuweereddwa ssaako okukuba
obusota mukitabo. Nambalirwa yasoose kuddusibwa mu ddwaliro e Kawempe nga ali
bubi era oluvanyuma n’afa.
Ssebuliba
eyabadde egguddwako ogw’okulumya omuntu, omusango gwe kati bagufudde gwa butemu
era nga waakusimbibwa mu kkooti enkya awerennembe nago.
Nga ayogerera ku poliisi e Kawempe
emabega w’emitayimbwa, Ssebuliba yagambye teyakigenderedde kutta mwanawe wabula
yabadde nsobi.
Yeegayiridde poliisi emute
kubanga yabadde akkirizza ensobiye.
“Mbeegayiridde mu nte ngenda ndabe ku mwana wange, musonyiwe
sikyaddamu,” Ssebuliba bweyagambye.