Musasi waffe
Abasirikale ba poliisi abawanvu n’abampi baakedde kuyiibwa ku wooteeri ya Pope Paul mu Ndeeba okulemesa omubaka wa Kyaddondo ey’obuvanjuba Robert Kyagulanyi okukuba olukungaana lwe olw’okwebuuza ku bantu kukigendererwakye eky’okwesimbawo ku bwa pulezidenti omwaka ogujja.
Poliisi yategeezezza nti Kyagulanyi yalemereddwa okutuukiriza obukwakkulizo bwebaamuteekako mu nsisinkano gyebaalimu n’akakiiko k’ebyokulonda omwezi oguwedde.
Omukka ogubalagala binyookedde mukitundu kino nga poliisi egezaako okugumbulula abawagizi ba Kyagulanyi ababadde bagenze okwetaba mu lukiiko.
Bino okubaawo Kyagulanyi abadde egenze mu kkooti okuwulira omusango gwe mwavunaanibwa okukuba olukungaana olumenya amateeka nga ali wamu ne banne mu kuwakanya omusolo ku ssimu guyite social media tax.
Omusnago gubadde ku kkooti ya Buganda Road. N’eno nayo wabaddeyo okukubwa kwa masasi ne ttiya gaasi nga poliisi yezooba n’abawagizi ba Kyagulanyi.