Bya Arthur Kalumba
Kitaka – Gomba
Hajjat Sophia Kibirige yavudde mu bulamu bw’Ensi oluvannyuma lw’okutawanyizibwa ebirwadde ebitali bimu, era aziikiddwa ku kyalo Kitaka e Gomba.
Ku lw’obwakabaka Katikkiro Charles Peter Mayiga, Omumyuka w’omukubiriza w’olukiiko lwa Buganda, Oweek Ahmed Lwasa, Oweek Hajjat Mariam Nkalubo Mayanja, Katambala Hajji Sulaiman Magala, beetabye mu kuziika kuno, Katikkiro asinzidde eno neyebaza Oweek Abbas Mukasa Kaawaase olw’obuweerezaabwe eri Nnamulondo mu kisaawe ky’ebyenjigiriza era yali Minisita w’ebyenjigiriza mu bwakabaka, ate mu by’emizannyo yali musaale okuzzaawo emipiira gy’amasaza ga Buganda era yaliko Ssentebe w’emipiira gy’Amasaza ga Buganda.
Hajji Abbas Mukasa Kaawaase ye mukulu wa Omumyuka Asooka owa Katikkiro era Minisita w’obuyiiya n’enzirukanya y’emirimu mu bwakabaka, Oweek Prof Twaha Kaawaase Kigongo.
Ray ID: 8f3a2c1b9d4e5f6a · Performance & security by Cloudflare
site-verification-ok